القرش
مدير المنتدى
عدد المساهمات : 11377
تاريخ التسجيل : 21/03/2009
العمر : 34
 | |  برجك اليوم ... مع ماغي فرح | |
السلام عليكم ورحمة الله
أحبابي في منتديات قوصاد مرحبتين فيكم
كيفكم بهالبرد والصقيع إن شا الله متجمدين ههه
على كل بدي أدخل بالموضوع طول وما بدي لا لف ولا دور
لاحظت بصراحة في كتير من المنتديات والقروب في الفيس بوك وغيرها
إن في بعض الفتيات والشباب يعني ربما بتلاقيهم مثقفين وواعين وما شاء الله حولهم
زي مثلا هيك الألق البعيد أو نور الهدى أو غيرها من شباب وبنات المنتدى بتلاقيهم واعين ومثقفين ونظرتهم للحياة حلوة
بس أحيانا بتلاقيهم مجانين بشي اسمو أبراج !!
يا جماعة معقول هالكلام طبعا أنا ما قصدت الألق ولا نور الهدى لا تفهموني خطأ ههه
ولكن الوضع أصبح لا يطاق
شو رأيكم نجي شوي لديننا اللي نحنا ماشين عليه وكل حياتنا بتنصلح فيه
النبي عليه السلام بيقول " من أتى كاهنا أو عرافا فسأله فصدقه " يعني راح عند ساحر ولا مشعوذ
ولا مرأة سألت جارتها تجي تشرب قهوة وتقرأ الفنجان أو هديك اللي بتقرأ الكف أو فلانة اللي بتابع الأبراج باهتمام
واليوم اللي بيقولولها حظك راح يصطدم بما بعرف شو بتزعل وحياتها بتتغير وبتدايق
كل هدول " من أتى كاهنا أو عرافا فسأله فصدقه فقد كفر بما أنزل على محمد "
يا ستيييير يارب معقول هاد العقاب ! كيف واللي انطرد من رحمة الله شو بيبقالو !
نسأل الله العافية
يعني بيجي حضرت القرش بروح طيبة ومرحة وبأسلوب حلو بيجي بينصح فلانة أو فلان
فبيرد عليه بيقولو يا زلمة أنا متابعة الأبراج من باب المزاح من باب حب استطلاع من باب ملأ وقت فراغي !!
يا سلاااااااااااااااام كمان
هلأ صارت متابعة الأبراج عشان الواحد يملأ أوقات الفراغ وينك يا الماسة الزرقاء والأميرة الصغيرة
تعالوا اسمعوا هالكلام
بدل ما الواحد يمضي وقته في شيء ينفعه في دنياه أو يقربه إلى ربه
لاااا بيتابعلي أبراج
طيب نمشي معاه وخلينا نشوف النبي صلى الله عليه وسلم شو رد عليه
يقول عليه الصلاة والسلام " من أتى كاهنا أو عرافا فسأله ولم يصدقه " يعني حب استطلاع زي ما قالت وقال
شو بيكون جزاؤه ! " من أتى كاهنا أو عرافا فسأله فلم يصدقه لم تقبل له صلاة أربعين يوما "
يللا تحنوا وتهنوا ... هيك أحسن يعني !
ظلكن تابعوا ماغي فرح وما بعرف مين كمان
خلينا نشوف بالنهاية لوين راح توصلوا
ياريت كل واحد منكم ينتبه وإذا كان ما بيتابع هالشي ياريت ينصح غيرو
النبي صلى الله عليه وسلم بيقول " بلغوا عني ولو آية "
وسامحووووني على الإطلالة
في أمان الله
أخوكم / القرش
| |
|
