بسم الله الرحمن الرحيم
السلام عليكم أخوتي أخواتي،،
أعتذر .. مقصرة في حق منتدانا > آم سوري مُنتدااااااااااا
إن شاء الله أدخل بين فترة وفتره
اليوم أخذني شوقي وحنيني لأخواتي ناصرة الرسول (فيفز) وناعسة الطرف (سيسو ) لمنتدى قوصاد
صار لهم مسافرين شهرين للدراسه في اليمن .. جلست أتذكر بعض المواقف ألي مرينا فيها مع هالمشاغبتين
يمكن بعد مرور 10 سنوات نرجع نقرأ هالكلام مع بعض ونضحك ^^
بذكر لما مرضت فيفز على آخر سنة 2010 وكنا مشغولين بالانتقال لبيت ثاني
حسيتها ذاك اليوم متضايقه كثير لأن محد اهتم فيها كثير
أصلن ما كانت مريضه كثير
بس أي حد لما يتعب حتى لو شوي يحب يشوف حد حواليه يهتم فيه ولأننا مشغولين بالانتقال عنها
شفت في عيونها نظرات حزن فرحت شوي عندها احط منشفه مبلوله على راسها وشوي اساعد في عملية الانتقال
ويا ليتني ما تدخلت لان حضرتها اخذت موقف من أمي ليش أمي مو هي ألي عم تداويها > خخخخ طيب شو فيني أنا مش عاجبتك
ولا لما تعبت فيفز وطلع فيها الزائدة الدودية .. سيسو تنومة معاها في المشفى عشان تعتني فيها وجلسنا أنا وسيسو نتراسل مئات الرسايل هههههه
هلكتني سيسو بطلباتها .. كل شوي تطلب اجهز لها شي عشان لما يروح ابوي عندهم يجيبوه لها .. شوي ملابس شوي لابتوب شوي سماعات ، مشط ووووو
ما بتقول كل ألي تباه مره واحده لازم تقسط لي على أساس أنا كنت فاضيه ،، تراسل لا تعرف لا ليل ولا نهار رغم أنها تعرف أني أنام بكير
ولا يوم طلعت فيفز من المشفى جلست تتألم كثير .. ما تقدر تضحك بسبب العملية .. ونحن كل ما نشوفها كأن مكتوب نكته على وجهها نضحك على أيش شي
وهي تضحك كذا ه ه ه ه وترجع تبكي .. الوحيده ألي ما ضحكت وكانت جديه هي أمي ،، كانت تتألم لألم أختي وتصرخ علينا عشان ما نضحك جمبها
ولا سيسووو معاي أنا وياها ذكريات طفولة انما أييييه ..
اعتقد لما كنت بالصف الرابع غبت يوم عن المدرسه ورحت لبيت جيرانا عشان آخذ كتاب بنتهم أنقل ألي فاتني ولأني لحالي تكيسلت ألبس نعاله
قلت راح اجري وارجع للبيت طيران رغم انه كان صيف والرمل جدا حارق .. رحت طيران لبيت الجيران وانكسرت كبايه في بيتهم وطبعا اسمع
جارتنا بتصارخ على حد .. اسير اشوف من أكتشفت ان سيسو لحقتني بدون ما انتبه وداست على الزجاج والدماء صارت للركب *تشبيه*
وجارتنا الفضيعه خايفه على زُليتها الجديدة .. طلعت انا وسيسو برا .. وأكتشف ان حضرتها جت حافيه كمان هههه رحت حملتها على ضهري
وييلا احترقي يا نفس في سبيل انقاذ سيسو .. وصلت البيت واسعف ابوي سيسو للمشفى وخاطولها جرحها 7 غرز
وأنا أخذت حرق من الرمال والملامه والتأنيب كله من أبوي
ذكرياااااات
21/11/2012, 12:41 am من طرف القرش