|
البارحـه يـوم الخـلايـق نيـامـابيّحت من كثـر البكـا كـل مكنـون |
وقمت اتعبـر وانثـر المـاء علامـامن موق عينن دمعها كـان مخـزون |
ولـي ونتـن مـن سمعهـا ماينامـاونة صويبن بين الاضـلاع مطعـون |
والا كمـا ونـة كسـيـر السـلامـاخلـوه ربعـه للمعـاديـن مـديـون |
فـي ساعـةٍ قـل الرجـا والمحامـافيها وربعـه شافهـم يـوم يقفـون |
والا فـونـة راعـبـي الحـمـامـاغادي ذكرهـا والقنانيـص يرمـون |
تسمع لهـا بيـن الجريـد انحطامـاومن نوحها كـل الحمايـم ينوحـون |
والا خلوجـن ساعـفـت للهيـامـاعلى حوارٍ ضايعاً في ضحـى الكـون |
وحـواره الراعـي نحرلـه اشمامـاوامـه تناظـر يـوم ذكـوه بعيـون |
ترزّمـت والخلـج حـولـه حيـامـاترزمـو معهـا وقـامـو يحـنـون |
والا رضيعـن جـزعـوه الفطـامـاامـه غـدت قبـل اربعينـن يتمـون |
على عشيرن شرب كـاس الحمامـاصرفـن بتقديـرن مـن الله مـاذون |
جاها القضا من بعد شهـر الصيامـاصافي الجبين بثانـي العيـد مدفـون |
كسوه من بيض الخرق ثـوب خامـاودموع عينـي فـوق خـدي يهلـون |
راحـو بهـا حـروة صـلاة الامامـافي مهمهن من غرب الاموات مسكون |
حطـوه فـي قبـرن عسـاه الهدامـاوعند الدفن قامـو لهـا الله يدعـون |
برضـاه والجنـه وحسـن الختـامـاودلو عليـه مـن الترايـب يهيلـون |
ياحفرتـن يسقـي ثـراك الغمـامـامزنن من الرحمـة عليهـا يصبـون |
جعـل البختـري والنفـل والخزامـاينبت على قبرن بـه الخـل مدفـون |
مرحـوم ياللـي مامشـى بالملامـاجيـران بيتـه راح مامنـه يشكـون |
ياوسع عذري وان هجـرت النشامـاورافقت من عقب العقل كـل مجنـون |
مـن طيـب خلـي لا ذكرتـه ولامـاومحاسنن ماعنهـن النـاس يـدرون |
أخـذت انـا ويـاه تسعـة أعـوامـامع مثلهن في كيفتـن مالهـا لـون |
والله كنـه ياعـرب نصـف عـامـاياعونة الله صـرف الايـام وشلـون |
وا كبر همـي مـن بـزورن يتامـاوان شفتهـم قـدام عينـي يبـكـون |
وان قلـت لا تبكـون قالـوا علامـانبكـي ويبكـي مثلنـا كـل محـزون |
قلـت السبـب تبكـون قالـوا يتامـاقلـت اليتيـم ايـاي وانتـم تسجـون |
مـع البـزور وكـل جرحـن يلامـاالا جروحـن بالحـشـا مايطيـبـون |
جرحي عميق تقـل كسـرت سلامـااللـي عثـم عنـه الاطبـا يعجـزون |
قمـت اتشكـا عنـد ربعـن عدامـاجوني علـى فرقـا خليلـي يعـزون |
قالـوا تـزوج وانـس لامـك بلامـاوترا العذارى عن بعضهـن يسلـون |
قلـت انهـا لـي وافقـت بالتمـامـايانـاس مابـي غيرهـا لا تشيـرون |
ماضنتـي تلقـون مثـلـه حـرامـاولو أن جمعتـوا نصفهـن مايسـدون |
تجـرة معاضـد غاديـاتـن لهـامـاالا ولا فيهـن علـى السـد مامـون |
واخاف انـا مـن غاديـات الذمامـااللي علـى ضيـم الدهـر مايعينـون |
واخـاف انـا آقـع بعقـرب هدامـاتضحك وهي تلدق على الكبد بالهـون |
أو خبلـتـن ماعقلـهـا بالتمـامـاأو نقرتـن ماهونتـن بنـت ماهـون |
تـوذي عيالـي بالنهـر والكـلامـاوانا تجرعنـي مـن المـر بصحـون |
والله يـالـولا هالصـغـار اليتـامـاواخاف من اسبابي عليهـم يضيعـون |
لاقـول كـل البيـض عقبـه حرامـاواصبر كما يصبر على الحبس مسجون |
ولا ذقـت عقبـه لا طعامـن ولا مـاولا منامـن والخـلايـق ينـامـون |
عليهـا منـي كـل يومـن سـلامـاعدت حجيج البيـت واللـي يطوفـون |
وصـلاة ربـي عـد وبـل الغمامـاعلى النبي ياللـي حظرتـوا تصلـون |
|