هذولا بنات اليوم برقع وجوال
ولاعـبــــــــاية كتف إلا هم يلبسـوهـا
فوق الراس راس وطرحه مع الشال
حتـــــى الخصـــــال الطـــيبه افقدوها
يوم البنات اللي غـدٍ سبت اهمال
ويـــوم السبـــــايب اهلهـــــــا اهملوها
الأم نامت والاب صــار تمثال
والبنت راحت وين مــــــــا يســــألوها
بالليل تسهــــر بين هاتف وجوال
والـــي على الشـــــــات سهــــــــروها
اللبس تلبس كل ما يطرب البال
وفلوس لــــو تنقـص عليهــــــا عطوها
من شافها باللبس يا ساتر الحال
يسبهــــــا ويـسب ويلعــــن من خلفوها
كومة لحم وعيون والرمش قتال
ولما مشت كــــــــل الشبـــــاب اتبعوها
هم مــــا دروا لو البراقع تنشال
ونشــــوف وش تحت البـــراقع خفوها
وين البنات اللي بهم تضرب الامثال
ليت العلوم الطـــــيبه مـــــــــا تركوها
البنت زينه وحلوه لا زانت الحال
مـــــا هو بلـــــبس ولا علوم خــــــذوها
وين المراجل ما بقى غيره إرجال
يـــاليت الشــــوارب واللحــــــى حلقوها
اللي على عاره رضي الذل ينقال
ليت الكـــــــــرامة ليتهم يـــــــــرفعوها
مــا عاد ينفع قـــول فيها ولا قال
لا الأم فيهـــا خــــــير ولا الأبو انفعوها
اصبح ضيـــاع البنت بسبة جوال
البنت انتهت وضــاعت والأهل ضيعوها