نور الهدى المشرفة العامة
عدد المساهمات : 16145 تاريخ التسجيل : 02/10/2009 العمر : 41
| موضوع: قصيدة سيدى الرئيس 2/5/2011, 12:23 pm | |
| سيادة الرئيس ... ...ارجعلنا مش إنت واحد مننا ؟ و عمرك في يوم ما سرقتنا و لا خدت مليم مننا ما تيجي طب ترجعلنا ......تقعد بأهلك وسطنا أهو مرة تاكل أكلنا و تلبس يا خويا من لبسنا و تعيش في حارة أو في شارع زيينا قلت إيه ؟؟ يا حارق دمنا
*** سيادة الرئيس ... ارجعلنا و غداك يا سيدي عندي أنا رز و بطاطس مسرطنة لحمة ؟؟ ... مفيش من سنة فاكهة ؟؟ ... تعيش إنت و أنا و الشاي .. بآخر معلقة من السكر إللي كان عندنا اشرب و فوق و ركز بقى .. علشان نكمل حكيّنا
*** سيادة الرئيس ... ارجعلنا مش سبت الحكم .. لأجلنا ؟؟ ما تيجي تسمع حكمنا !! أفكرك ؟؟ و لا إنت فاكر زيينا قطر اتحرق من كام سنة و غازنا إللي طار من أرضنا ... لعدونا و عبّارة مللي بيغرقوا ..!! غرقت في عرض البحر و راحوا أهلنا ... و الجاني فلسع مننا و مركبة بأحلى شباب ... ييجوا من إيطاليا غرقانين .. و القرش ياكل لحمنا و الله كانوا زيينا و يمكن أحسن مننا ليهم بيوت و ولاد و عيشة و حلم .. زي حلمنا اتغربوا و اتبهدلوا .. لما الفساد طال كل حاجة في أرضنا و إللي ما ماتش .. قاعد في غربته .. و الغريب بيذلنا أقول كمان ؟؟ و لا كفاية ... و أهو إنت عارف عننا اصبر هتسمع حكمنا
** سيادة الرئيس ... ارجعلنا و لو إنت واحد مننا فعلا يهمك أمرنا بينا عالنائب العام .. تفتنله على ولاد الحرام ... مصوا بلدنا و دمنا و افتن دي فتنة مهيش حرام .. ده حقنا دا لو إنت واحد مننا اصبر هتسمع حكمنا
*** سيادة الرئيس ... ارجعلنا اقعد معانا و زيينا هعرفك ..... دي (أم خالد) أمنا و دول أهل (سالي) أهلنا و (عمر بن بنونة ) إبننا فسر و احكي و قوللهم .. و قوللن و استسمح الروح إللي منورة في الجنة عند ربنا هتقول مكنش قصدنا ؟؟ دول ماتوا غصب عننا ؟؟ كداب و فاجر .. و إللي يصدقك زيك .. و الكدب ريحته منتنة تتشل إيد إللي ضرب .. و إللي أمر .. و عليكوا لعنة ربنا اصبر هتسمع حكمنا
*** أيوه بقول ارجع لنا ياللي سرقت حلمنا و غربتنا و نهبتنا ... و في كل حتة أهنتنا إحنا إللي سال دمنا في الأربعين و اسكندرية و التحرير يشهدلنا آدي القفص ... أقف هنا و الشعب يحكم .. مش أنا صدقني ... هي بيّنة
من فوق سبع سماوات .. قالها ربنا العين بالعين و السن بالسن ... و هو ده بقى حكمنا ... و مفيش غيره عندنا[ندعوك للتسجيل في المنتدى أو التعريف بنفسك لمعاينة هذه الصورة]
| |
|
ناعسة الطرف مشرفة قسم الشعر والخواطر
عدد المساهمات : 517 تاريخ التسجيل : 21/01/2010 العمر : 32 المزاج : senior 2010
| موضوع: رد: قصيدة سيدى الرئيس 4/5/2011, 7:00 am | |
| | |
|
القرش مدير المنتدى
عدد المساهمات : 11377 تاريخ التسجيل : 21/03/2009 العمر : 35
| موضوع: رد: قصيدة سيدى الرئيس 4/5/2011, 9:17 pm | |
| هههه حلوة والله
ونابعة من الظلم والقهر اللي عاشه المصريون على مدى 3 عقود
عقبال ما نخلص من سيادة الطاغية اللي عندنا | |
|
نور الهدى المشرفة العامة
عدد المساهمات : 16145 تاريخ التسجيل : 02/10/2009 العمر : 41
| موضوع: رد: قصيدة سيدى الرئيس 5/5/2011, 8:31 am | |
| | |
|