Ҳ̸Ҳ̸سَـ*ــآآفِــ*ــرْ مــ*ــع عُــ*ــضــ*ــوْ Ҳ̸Ҳ̸

dody كتب:

رح جاوب على اسئلتك يا لولو
مع اني ما بظنا تكون ممتعة متا باقي الاجابات
س1 : آخــر سفرة ڪانت لڪ وين ؟
على طرطوس وهية محافظة بسوريا
س2: آقصر سفرة وآطول سفرة بحياتڪ ؟
اقصر سفرة عحمص واطول سفرة على تدمر


س3: آجمل مطآر شفته ؟
انا ما شفت غير مطار دمشق بس كان احلى قبل التعديل


س4: الدولة اللي تحب تزورهـآ؟
بحب زور العالم كله
لأني بحب الطبيعة كتييييييييييييييييييييييير وبحب اني اتأملا بالساعات
بس بتمنى روح عجذر اليونان لأني سمعت انو الطبيعة فيا بتجنن

س5: صورة لدولة تتمنى تزورهآ ؟

[ندعوك للتسجيل في المنتدى أو التعريف بنفسك لمعاينة هذه الصورة]
انا الصراحة ما بعرف وين هالمكان بس بتمنى روح عليه
س6:آي دولة تعجبڪ ؟

اذا عربية فبحب بيروت
واذا غربية بحب باريس

س7:آجمل مڪآن شفته بسفرڪ ؟

تدمر بتجنن القلعات الي فيا كتير عمرانا حلو
بتحسو حالكن مأسورين بروعة المكان وفيا مسرح كبير كتير حلو
وحتى المتحف بتحسو بالهشة من الاثار الموجودة وقديشا قديمة من الاف السنين

س8:ڪم مرة سآفرت بحيآتڪ ؟

كتير بس كلن داخل سوريا

س9:موقف محرج صآرلڪ في سفرڪ ؟
مرة كنت رايحة عمشتى الحلو مع اخي وكان اهلي سابقينا بيومين فركبنا الباص
ووصلنا عمكان قريب من مشتى الحلو وما كان في باص تاني يوصلنا لعند اهلي
فاتصلنا ببابا
مشان يجي ياخدنا واستنينا ساعة لوصل لعنا
بس الموقغ المحرج انو استنينا عند مصلح سيارات
محلو وسخ كتييييييييييييييييير
وكان كتير بيحكي وانا ما افهم عليه لأنو لهجتو غريبة
فكنت مو مصدقة ايمتي يجي ابي


س10: آِيش يعني لڪ السفر وهل تحب تسآفر ؟
بحس انو السفر للتعرف على الحضارات والناس والعادات
وهالشي كتير مهم لحتا الواحد مايضل محبوس بقفص حياتو الروتينية
لأنو ممكن نلاقي عند الأخرين عادات حلوة وتكون طبعا بتناسب حياتنا فنضما انمطنا بالحياة



س11: شيء لآ تستغني عنه في سفرڪ؟

فرشاة اسناني والموبايل ورواية عشان اتسلى بالطريق

س12: آِختـآر عضو من آلمنتدى وسآفر معـآه وآِلى آين ؟

بحب سافر مع الزهرة البنفسجية لأنو روحا المرحة رح تخلي سفرنا ممتع

اجابااتك حلووه كتيرررر خيتو دعاااء

وان شاءالله ربي يكرمك وبتطلعي براة سوريا وبتزوري كل الاماكن اللي ع بالك تزوريها

نوورتينا والله

اقتباس :

س12: آِختـآر عضو من آلمنتدى وسآفر معـآه وآِلى آين ؟

بحب سافر مع الزهرة البنفسجية لأنو روحا المرحة رح تخلي سفرنا ممتع

[quote]
له له وأنا ؟

على العموم

بالرغم انك ما طلعتي برا سوريا

بس ما شاء الله عليكي ردك زاد الموضوع بهاد

واستمتعنا عنجد بجمال الإبحار في سفراتك

وطرنا وحلقنا بأجنحة مرصعة بالذهب في سماء ماضيكي

وإن شا الله دايما مسافرة وتشوفي أحلى المناظر

وإن شا الله ربي ينولك أمنياتك