بو ساري روقنا!

موضوع: بو ساري روقنا! 23/1/2011, 1:58 pm

بسم الله الرحمن الرحيم

موظف بسيط كذا بدا حياته براتب مايتجاوز ربع متطلباته الشهرية لكن كان مرتاح وراضي هذا هو ابو نوال كان يرجع بعد الظهر ..

لاتكلم عن الجو ولاتسأل عن حالة سيارته!!ولا عن وقفة طول اليوم لن هذا صار روتين تعود عليه!!
فيه احد يكون التعب عنده روتين يتعوده؟؟؟

اي
نعم هذا ابو نوال.. لن أول شيء يبحث عنه كان يد امه علشان يظفر بقبلة يد
العجوز اللي تشيل هم التعب كله ويدخل يغسل ويحب نوال صح ماتجاوز عمرها
سنتين لكن كان يسولف لها وكانت من اعز الناس عنده اذا مو اعزهم!!

شاف ابو نوال مديره الجديد بس هالمرة واحد غير!!واحد عايش
برغد هذا هو ابو ساري صاحب معارض السيارات الشهر بالاضافة الى المركز
المرموق في وظيفته كيف لا ؟؟وهو تحت يدها اكثر من 120 موظف!!الله يزيده
هالكلمات دائم كان يتمتمها ابو نوال بطيبة قلبه المعروفه

بعد حوالي 3 اسابيع من وصول المدير الجديد وفي عز الظهر ابو نوال
يستعد يركب الكورلا موديل 92 مع ان لونها اخضر لكن جذاب مع انها مصدومه من
كذا جهة لكن مكينتها نظيفة يعني لا تدقق بالشكل اهم شيء الاداء
هذا الرد اللي يقوله ابو نوال كل واحد يسأله كيف عايش مع هالسياره؟؟
نرجع لابو نوال كان يشغل السيارة الظهر ويرجع للمبنى لن للاسف المكيف بارد
بس يحتاج ربع ساعه لين يبرد ومنها ابو نوال يشرب كأس الماء البارد من
البراد قبل مايحرك لن الجو شوي حار عليه صحيح ماوصل 60 لكن قارب حدود ال 45
اذا مو الخمسين !!

رجع للسيارة المكيف بارد وشغل شريطه المعتاد الشيخ سليمان الجبيلان لن يحب هالشخص ودائم يسمع له!!ومنها يفضفض معاه شوي
بعد
اقل من 400 متر المدير واقف بالشمس الا والله هذا ابو ساري المدير وهذي
سيارته المرسيدس هيبة وفخامه صح مايعرف موديلها لكن اكياس السيارة تدل على
موديلها !!احتار ابو نوال اوقف ماا اوقف ...لو وقفت ما وقفت!!!الا رجل ابو
نوال على البريك لن الطيبه بقلبه تصدر الاوامر تلقائيا!!
نزل ابو نوال

السلام عليكم
ابو ساري
وعليكم السلام مع نظره خطافيه لسيارة ابو نوال (الكورلا الخضراء وكأن لسان حاله يقول كيف توقف هذي وتمشي ذيك)

ابو نوال
سلامات وش فيها السيارة؟؟
ابو ساري
والله ماادري وش المشكلة بالضبط لكن السيارة مالها شهر مستخدمها وشكل الخراب تصنيعي...

ابو
نوال طيب ابو ساري تبينا نطلب سطحة تشيلها...اعرف واحد قريب من هنا ورقمه
معي(((من كثر ما الكورلا ماتوقف تعرف على كذا شخص ولا صار يعرف اماكنهم))
ابو ساري بعد صدمة؟؟انت تعرفني
ابو نوال..انا موظف التشييك عندك
ابو ساري..مشكور ياغالي لكن انا كلمت مندوب المعرض وهو قرب يوصل الان والسيارة فيها ضمان يرسلون لك برضوا مسؤول وين ماتكون!!
ابو نوال بينه وبين نفسه((ليه الكورلا مايسوون له مثل العروض؟؟
ابو نوال يمكن علشان سيارتي قديمه شوي ؟
ابو ساري لالالا مو هذا القصد والا تدري انا برجع معاك بس ننتظره المندوب علشان يشيل السيارة
ابو نوال طيب!!
دقايق الا والمندوب واصل واستلام السيارة وابو نوال اللي يساعده والمدير عفوا ابو ساري جالس يناظر مو عارف ايش اللي صاير
ماتعود ينتظر بالشمس مثل هالوقت
اعجب الموقف ابو ساري وهو يشوف ابو نوال وتعامله مع السيارات الواقفه ونشاطه وضحكاته والجو حار وكانه ربيع بالنسبة له
ركبوا
السيارة ابو ساري حاول يتواضع لكن بانت على ملامح وجهه التغير لن المراتب
لك عليها بس المكيف بارد صح الارضية متقطعة لكن المكيف بارد!!وصح ان سقف
السيارة فيه تنسيم هواء شوي لكن المكيف بارد...
سالفةمع سالفة لين وصلوا حي المدير ولما دخل ابونوال انقطعت ضحكاته وخفة
دمه المعروفة و بدأ كأنه للتو متعلم القيادة لن الشوارع راقيه مو مثل الحي
الشعبي اللي هو ساكن فيه ودخل حارة المدير الجديد لكن ماطلعت حارة للاسف
هذا قصر المدير طبعا لاتسأل عن الاحراج قدام البواب لما وقفه وقال ارجع
ياهيه!! قبل ماينتبه ان صاحب القصر معاه ويقول تفضل طال عمرك!!

نزل المدير عند مدخل القصر وش روعة وش جمال !!
اصر المدير على ابو
نوال يتغدى وابو نوال رااافض لن بيني وبينكم شكل ملابسه يخاف يحرجه يعني
بعد شيل السيارة ودوام الوظيفة الواحد شوي تتغير ملابسه!!
المدير راسه عنيد يمكن ماتعود يسمع كلمة غير ابشر!!!لكن ابو ساري اضطر يدخل القصر ويتغداا
طبعا مرة ثانية لاتسأل عن الغداء .!!وش كان!!
طلع قبل العصر ابو نوال من
القصر وهو ماهو مصدق لكن الجوال فيه 12 مكالمة لم يرد عليها!!الوالده وام
نوال قلقوا عليه وابو نوال ناسي جواله بالكورلا الخضراء

رجع للبيت بس نسى يحب يد امه دخل وحكى لهم الموقف!!! حتى نوال ماسولف لها شيء ذاك اليوم!!
اليوم الثاني وصل المدير الساعه 9 في قمة زحمة شغل ابو نوال ودق عليه جوال
مارد وارسل له خصيصا سعود يجيبه...راح له ابونوال وسوالف عن سالفة امس
وضحك!!

ايام وايام صارت صحبة وميانة بينهم وعربون هالشيء سيارة جديدةمن معارض المدير ابو ساري يختارهاابو نوال على مزاجه !!!
بدأت طلعات القصر تكثر وابو نوال تعرف على ناس كبارييه على قولتهم وماعاد
يعطي وجه حتى العم محمود العامل في السوبر ماركت والصديق المفضل عند ابو
نوال...
عدت كم سنة وصار ابو نوال عنده بيت حليو وماصار يشيك صار المسؤول الثالث بالشركة وطبعا بفضل الله ثم بفضل ابو ساري...
مع انه طاح بالشيشة لنها عشق ابو ساري المفضل ...ومع كل رأس شيشة يضحك ابو نوال ويردد كلمته المعتاد يابو ساري روقنا!!!
لكن
لنها دنيا وماتعرف لها صاحب...ولانها ماتعترف بكبارية احد ولا
مركزه.....يصاب ابو نوال بسرطان الرئة وتشخص حالته بانها متأخره والسرطان
منتشر بالجسد...داخل ذاك المركز يقول ابو نوال

صحيت من حياة كنت عايشها ااكثر من تسع سنين نسيت فيها قبلة يد امي
بل حتى الدعاء لها لنها توفت من سنوات وانشغلت عن نوال اللي اخر سنة في
الابتدائية واخوانها سامي وفهد ..وحتى ام نوال اللي قصرت بحقها ولا كانت
تقول غير الله يسامحك...
صحيت لكن وانا نايم على سرير واتعالج من السرطان وماادري هذا فيه وقت اعدل اللي اهملته او لا
لكن لو سالتني وش اتمنى الان؟؟؟

اقولك قبلة يد امي وسوالف سارة والبيت الشعبي وسيارتي الكورلا الخضراء وياليتك يابو ساري ماروقتنا

وانا من هنا اقول لاخي المدخن او العاق او المنشغل
بحياته الوقت بيدك الان اترك مابيدك وارجع لحياتك الصحية وتذكر كيف كنت
عايش قبل وبعد ا؟؟؟ قبل ماتردد جملة ليتك يابو ساري ماروقتنا
م/ن