صار للدبانة دكانة وصارت تسكر على بكير
قالوا للحماية ما كنتي كنة , قالت لهم , كنت ونسيت
دان من طين , ودان من عجين
قالوا لها أومي اطبخي ,قالت مريضة ,قالوا لها قومي كلي ,قالت وين معلقتي العريضة
داب التلج ,وبان المرج
متل حية التبن , بتقرص وبتتخبى
صاحب صنعة , أحسن من صاحب قلعة
مرت الأب ما بتنحب
صفي النيه ونام بالبرية
المي والنار, ولا حماتي بالدار
من برا هالله هالله , ومن جوا يعلم الله
صام صام وأفطر على بصلة
خذ الاصيلة ونام على الحصيرة
طول عمرك يا تينة مجعلكة
الحية آلت للدودة تضربي على هالآمة(القامة) الممدودة
يآخد الارد على مالو بيروح المال بيصفى الارد على حالو
طب الجرة على تما بتطلع البنت لاما
دق القرفة ولا صباح السلفة
كومة حجار ولا هالجار
متل السيل بيغدر بالنهار والليل
شو ماطبخت العمشى جوزا بتعشى
من قلة تدابيره خلطت حنطته مع شعيره
طلطميس مابيعرف الجمعة من الخميس
لما فرقوا العقول كل واحد عجبوا عقلوا ولما وزعوا الارزاق ماحدا عجبه رزقوا
يللي بيلاعب الاط بدوا يتحمل خرميشوا
بعدما كانت خادمة صارت في البيت حاكمة
مثل الاردة وشاكلة براسها وردة
ارعة(بدون شعر) ومشطها نص ذراع
آل ليه غيرانة وحيرانة وعيونو جوا غطسانة
قال خطبوها تعززت تركوها تندمت
المزاج
موضوع: امثال سورية 
