yamina23 مشرفة قسم الحكم والأمثال والتاريخ والحضارات
عدد المساهمات : 1097 تاريخ التسجيل : 29/11/2009 العمر : 41 المزاج : ربنا اهدينا في من هديت
| موضوع: بعض الأمثال الجزائرية 25/12/2009, 7:44 pm | |
| هذه بعض الأمثال الجزائرية وأكثرها تشبه بعض الأمثال لبقية الدول العربية مع إختلاف فقط في المصطلح بينما المعنى واحد
أخدم باطل ولا تقعد عاطل. *الزعاف يخرج السر. *الفم المزموم(المغلق) ما يدخله الذبان(الذباب). *اقصد الدار الكبيرة لا ماتعشيتش تبات دافي. * الجار قبل الدار. *كم من قبة تنزار ومولاها في النار. *عام يكثر التبن يكثر اللبن. *الكبش ينباع بجزته. *حماري ولاعود الناس. *قد ماتكبر العين الحاجب فوقها.
ماناكل البصل ما نحصل. *حج وزاير بير زمزم و جاء للبلاء يتحزم.
*ياكل من الشجرة ويقطع عروقها.
*ازرع ينبت.
*خرج من الحبس طاح في بابه.
*اقلع راس تزول الخصومه.
*الجرب حكاك و الخائن شكاك.
*صاحبك هو جيبك.
*لي يتبع الاولاد داه الواد.
*هو في الموت وعينيه في الحوت.
*دعوة زوج ولا دعوة عجوز.
*فوت على الواد الهايج وماتفوتش على الواد الساكت.
*لقاه راكب خشبة قالو مبروك العود (الحصان) .
*انا نوصيك ياسعيد و انت في العمى تزيد.
*في النهار تطوف و في الليل تنسج الصوف.
*يعرف الاوقات كي الفروج وما يصليش.
*هم العرس ولاهم الضرس.
*دير كيما دار جارك و لا بدل باب دارك.
*بيضة اليوم و لا جاجة غدوة.
*اهدر على السبع يهدف.
*اتهلاي يا عصاتي على كساتي | |
|
القرش مدير المنتدى
عدد المساهمات : 11377 تاريخ التسجيل : 21/03/2009 العمر : 35
| موضوع: رد: بعض الأمثال الجزائرية 6/3/2010, 2:36 pm | |
| *الفم المزموم(المغلق) ما يدخله الذبان(الذباب).
إذا كان الكلام من فضة فالسكوت من ذهب
*ياكل من الشجرة ويقطع عروقها.
حاميها حراميها
شكرا لك يامينة التاريخ التراثي الجزائري مليئ بالجواهر | |
|