أهلين أبناء قبيلتي العزيزة والعريقة أعضاءقووووووصاااااااد
الموضوع ده طبعا منقوووووول
بس فيه شوية فرفشة علشان اللي زعلان يفك شوية
يللا نبدأ سوا
.
.
.
أو موبايلي خخخخخ
---------------------------------------
ليه لمّا الواحد يكون واقف مستنى الأسانسير بعد ما داس على الزرار اللي بيستدعى الأسانسير وبقى منور وباين إنه منوّر، ييجي واحد تاني بعد ثواني يبص لك ويبص للزرار المنور ويروح دايس على الزرار تاني؟!
(والله مش عارف من غيرك كنت عملت ايه)
---------------------------------------
ليه لما تسأل واحد على العنوان وتقول له "شارع كذا فين؟!" يرد عليك بسؤال "هما قالوالك فين؟!".
(طيب ما هما لو كانوا قالوا لي ماكنتش سألتك، ثم هما مين اللي قالوا لي؟!)
---------------------------------------
ليه الشخص اللي يسألك "الساعة كام" لازم يرفع لك ايدو الشمال مع ان الساعة فى ايدك انت
(يمكن فكرنى اطرش)
---------------------------------------
ليه بيقولوا على الشخص اللى نايم بعمق إنه نايم زى البيبيهات؟، مع إن البيبيهات أصلا بيصحوا كل نص ساعة!
(بكره تخلف ويطلع عنييك)
---------------------------------------
ليه الشامبو بيبقى بالخوخ الطبيعى بينما عصير الخوخ بيبقى معمول بنكهة الخوخ؟
(على كده الشامبو افيد ، وينفع عصير مع الفطار الصبح)
---------------------------------------
ليه لو واحد قال قدامي كلمة "الأقصر" بتيجي في دماغي على طول صورة "الآثار"؟! مع إنى لو قال قدامي كلمة "الآثار" مش شرط تيجي في دماغي صورة "الأقصر"؟!
(سؤال من شخص فقيق حبتيين)
---------------------------------------
هل حصل فعلا فى يوم من الايام أن فيه واحد (ضرب عصفورين بحجر)؟
(اه انا قريتها مره فى صفحت الحوادت)
---------------------------------------
ليه الصمغ الشديد الفعالية ما بيلزقش في الأنبوبة الى محطوط جواها ؟
(تقريبا الانبوبه هى الى بابزه)
---------------------------------------
إذا كان العَالُم مسرحاً زى ما بيقولوا ، طب المتفرجين قاعدين فين؟
(مش عارف)
---------------------------------------
ليه لما تطلب ساندوتش من مطعم وتحب تضيف عليه اى إضافة بيزودوا سعر الساندوتش، طيب ليه لما بتحب تشيل حاجه من محتويات الساندوتش سعره مابيقلش؟
(الضرايب)
---------------------------------------
الأخرس بيكلم نفسه إزاى؟
(اسئله هو ادرى)
---------------------------------------
إذا كانت السباحة تحسن القوام وتجعله ممشوقا ، طب ازاى الحوت شكله كده ؟
(يمكن عشان مش لابس مايوه)
---------------------------------------
إذا كانت الخضار والفاكهة تفيد في تخسيس الوزن ، طب ازاى الفيل شكله كده ؟
(وراثه)
---------------------------------------
ليه البنات بتفتح بقها وهيا بتحط (ماسكرا) ؟
(هم بقه يردو على السؤال ده)
---------------------------------------
ليه دايما البواب لازم يبقى صعيدى او نوبى و يكون اسمه عبده او عثمان ؟
(طلب الزبوووون)
---------------------------------------
أنت بتجرى لقدام لتخفيض وزنك ، طب ايه الى هيحصل لو جريت لورا هل يزيد وزنك؟
(سؤال منطقى جدا)
---------------------------------------
ليه بيقولوا (الحب أعمى)، ومع ذلك كل أغاني الحب عن (العيون)، نور العين وسحر عينيك وعينيك واحشاني وعينيك كدابين وحبيبي وعينيه أصلاً؟!
طيب لو كان الحب اعمى ..ليه واكلين دماغنا بالحب من اول نظرة؟
(اصله عمل عمليه فى عنيه)
---------------------------------------
البطيخ الى ما فهوش بذور ، كيف تمت زراعته ؟
(بالسحر والشعوزه؟؟)
---------------------------------------
بنسمع كتير عن سرعة الضوء ، طيب كم تبلغ سرعة العتمة ؟؟
(لم يتم اكتشفها حتى الان)
---------------------------------------
ليه لما حد يحب يدي معلومة بيبدأ الجملة بكلمة (بيقولك)، (بيقولك العربيات رخصت)!
( !!! )
---------------------------------------
ليه الناس في الشارع بتستخدم أدوات نداء لتوقيف أي شخص، أدوات نداء مالهاش أصل في اللغة و ينفع تنادي بيها على أحد في المطلق زى. بسست، والنبى يا، ويا كابتن، وباقولك وخُد يا، وأيوه يا، وليه أدوات النداء دي بتوقف الشخص المقصود بالذات؟!
(سبحان الله)
---------------------------------------
ليه ما بيعملوش طعام القطط بنكهة الفئران ؟
(صعبه دى)
---------------------------------------
ليه بيعقموا الإبرة السامة لقتل المحكوم عليهم بالإعدام ؟؟؟
(عشان ينفذ الحكم بالعدل)
---------------------------------------
ليه كان الطيارين الانتحاريون اليابانيون (( الكاميكازي )) بيلبسوا خوذة واقية للرأس ؟!!
(عشان قوانين المرور)
---------------------------------------
إذا كان السوبر ماركت يفتح لمدة أربعٍ وعشرين ساعة في اليوم لمدة عامٍ كامل ، طب ليه بقى حطوا عليه الأبواب والأقفال ؟؟
(عشان المحل مكيف)
---------------------------------------
ليه بيكلبشوا العربية اللي واقفة صف تاني وقافله الشارع.. مع إن الشارع بعد الكلبشة بيفضل مقفول برضه؟!
(عشان يزييد الطين بله)
---------------------------------------
لما تيجي تتصل بواحد.. ليه الأرقام اللي بترد غلط.. ما بتكونش مشغولة؟!
(عشان صاحبها مكنش بيتكلم فى التليفون)
---------------------------------------
لو إسمك (ماجد) وطلعت طيّار، هتفضل مستحمل قد ايه الناس وهيا بتندهلك (كابتن ماجد)؟
(24 حلقه)
---------------------------------------
ليه في شارع مراد حاطين يافطه كبيرة مكتوب عليها "ابتسم انت في الجيزة"..، هى الجيزة حاجة تضحَّك؟!
(يمكن في حاجة احنا مش شايفينها)
---------------------------------------
ليه المذيعة دايما بتتمنى لنا وقت ممتع مع الفيلم العربي اللي بيتذاع للمرة الألفين.. وهى عارفة كده كويس؟!
(عشان متزهقش)
---------------------------------------
ليه بيقولوا في الأخبار، مصرع 9 في فلسطين، ومصرع 50 في بغداد، ومصرع 85 في زلزال، ومصرع 112 في سقوط طائرة؟! طيب ما يقولوا على طول مصرع 250 واحد في نشرة أخبار التاسعة! ))))))))
( !؟!؟!؟!؟!؟)
---------------------------------------
وصلنا للآخر
ياريت يكون الموضوع عجبكم
موضوع: ~~|| أسئلة للفرفشة ||~~ 
